નમસ્તે સાહેબ
હું ૨૦ વર્ષનો યુવક છું મને શરીરે ખંજવાળ બહુ આવે છે તો મને આયુર્વેદિક ઊપચાર બતાવો અને તેના માટે મારે શું – શું પરેજી પાડવી પડશે?
આ વિષય પર વિગતવાર વાંચો
નમસ્તે
વૈદ્ય નિકુલ પટેલ દ્વારા સંચાલિત લાઇફકેર આયુર્વેદમાં આપનું સ્વાગત છે.
આપની સમસ્યા પ્રમાણે આપને આખા શરીર પર ખૂબ જ ખંજવાળ આવે છે.
આપે જે માહિતી આપી છે તે ખૂબ જ અધૂરી છે જેથી કરીને આપને જે સમસ્યાઓ છે તેનો ચોક્કસ દિશામાં ઉકેલ આપવો મુશ્કેલ છે
આમ છતાં આપને આ ખંજવાળ આવવાનું કારણ અલગ-અલગ હોઈ શકે છે જેમકે
1. એલર્જીના કારણે.
2. વધારે પડતું ખાટું ખાવાના કારણે.
3. ઠંડો પવન લગાવવાને કારણે.
4. ચામડી કોરી પડી જવાના કારણે.
5. શીળસ નીકળવાના કારણે.
6. કોઈ દવા ના રિએક્શન ના કારણે.
7. હું ચોક્કસ પ્રકારના ચામડીના રોગના કારણે.
8. કોઈ નો ચેપ લાગવાના કારણે.
ઉપરના કારણોમાંથી કોઈ પણ કારણે આપને આખા શરીરે ખંજવાળ આવી શકે છે આના માટે જો આપ કોઇ ચોક્કસ કારણ બતાવો તો ચોક્કસ પ્રકારથી સારવાર સૂચવી શકીએ.
1. આ દરમિયાનમાં આપ તમામ પ્રકારની ખટાશ બંધ કરશો તેમજ લીમડાના પાણીથી અથવા તો લીમડાના સાબુ થી સ્નાન કરવાનું રાખશો.
2. ચામડી લુખી પડી જતી હોય તેવી અવસ્થામાં શરીર પર લીમડાનું તેલ અથવા તલનું તેલ લગાવવા નું રાખશો
3. કોઇ વસ્તુની એલર્જી હોય તો તે ખાવાનું બંધ કરશો
ઘરમાં બીજા કોઈને પણ આ પ્રકારની ખંજવાળ આવતી હોય તો તેમની પણ સારવાર કરવી જરૂરી છે.
4. આપ જો ઘરમાં પાલતુ પ્રાણી રાખતા હોવ તો તેના કારણે પણ શરીરે ખંજવાળ આવી શકે છે.
5. ચામડીના રોગ ની અથવા તો એલર્જી ની કોઈ દવા ચાલુ હોય અને તે તમે બંધ કરી હોય તો પણ તે દવાના કારણે દબાયેલ ખંજવાળની તકલીફ એ ફરીથી શરૂ થઈ શકે છે.
6. લાંબા સમય સુધી ઝીણો ઝીણો તાવ રહેતો હોય તો તેના કારણે પણ આ તકલીફ થઈ શકે છે તેથી તેના માટે આયુર્વેદિક ડોક્ટર પાસે સારવાર કરાવવી જોઇએ.
આમ જોઈએ તો આપે ચોક્કસ કારણો શોધ્યા પછી જ દવા કરાવવી હિતાવહ છે અને તેના માટે સારા આયુર્વેદિક ડોક્ટર પાસે રૂબરૂ માં તપાસ કરાવીને દવા કરાવવી જોઇએ.
આપ સારવાર માટે online consultation પણ કરાવી શકો છો.
વૈદ્ય નિકુલ પટેલ (બી.એ.એમ.એસ.)
307, ત્રીજો માળ, શાલિન કોમ્પ્લેક્સ, ફરકી લસ્સીની ઉપર, કૃષ્ણબાગ ચાર રસ્તા, મણિનગર, અમદાવાદ – 380008
સમય: સવારે 10:00 થી 1:00 અને બપોરે 3:00 થી 6:30 | શનિ–રવિ: બંધ
📍 ક્લિનિકનું Location — Google Maps