શ્રીમાન વૈદ્ય શ્રી નિકુલભાઇ,
1. મને કબજિયાતની તકલીફ છે અને આ અંગે મને એક હોમિયોપેથીક ડોક્ટર દ્વારા સવારે હુંફાળા ગરમ પાણીમાં બે ચમચી મધ અને એક લીંબુના રસ ઉમેરીને લેવાની સલાહ આપવામાં આવી હતી. જે લેવાની મેં શરૂઆત કરી અને લગભગ એમ મહિનાના સમયગાળામાં મને સામાન્ય આરામ પણ થયો.
હવે અહીં પ્રશ્ન એ છે આપના અન્ય કોઇ દર્દીને આપવામાં આવેલા એક જવાબમાં એવું વાચ્યું હતું કે મધને લીંબુ કે ગરમ પાણી સાથે ક્યારેય ન લેવું જોઇએ. આથી હવે હું મૂંઝવણમાં છું હું હોમિયોપેથીક ડોક્ટર દ્વારા આપવામાં આવેલી સલાહ અનુસાર ગરમ પાણી અને લીંબુ સાથે લેવાનું ચાલુ રાખું કે પછી બંધ કરી દઉ.
મારી ઉંમર 28 વર્ષની છે અને લગભગ 6 વર્ષ પહેલા મને મસા થયા હતા, જે ક્ષારસૂત્ર પદ્ધતિ દ્વારા મેં કઢાવ્યા હતા. આથી હવે મને કબજિયાત ન થાય તે ખૂબ જ જરૂરી છે.
2. લગભગ એક અઠવાડિયા પહેલા થોડું વધારે તીખું શાક ખાઇ લીધા બાદ મને ખૂબ જ તીખો ઓડકાર આવ્યો હતો અને તે કારણે ગળામાં લગભગ અડધા કલાક સુધી બળતરા થઇ હતી. તે દિવસથી મને પેટમાં બળતરા થઇ રહી છે. શું તે એસિડીટી હોઇ શકે.? તે દિવસથી હું રોજ રાત્રે ઠંડા દૂધમાં ઇસબગુલ ઉમેરીને પીવું છે ત્યારે થોડા સમય સુધી રાહત રહે છે. પરંતુ જમ્યા બાદ બળતરા થવાની શરૂ થઇ જાય છે. દિવસ દરમિયાન ક્યારેક ખાટા ઓડકાર પણ આવી જાય છે.
આથી હું આપને વિનંતી કરૂ છું કે આપ મને યોગ્ય રસ્તો સૂચવશો. હું મારી જીવનશૈલીમાં પણ યોગ્ય ફેરફાર કરવા માટે તૈયાર છું. તો ઉપરોક્ત બંને સમસ્યાને દુર કરવા માટે યોગ્ય માર્ગદર્શન આપવા આપને વિનંતી છે.
આ વિષય પર વિગતવાર વાંચો
નમસ્તે તેજસભાઇ !!
વૈદ્ય નિકુલ પટેલ દ્વારા સંચાલિત લાઇફકેર આયુર્વેદમાં આપનું સ્વાગત છે.
આપની સમસ્યા પ્રમાણે
આપના પ્રશ્નના ઉત્તર આ મુજબ છે.
૧. મેં આપેલ ગરમ પાણીમાં મધ અને લીંબુ ન લેવુ જોઇએ તે સંદર્ભ એ વજન ઘટાડવા માટે કરવામાં આવતા નુસ્ખા માટેનો છે અને આયુર્વેદના મત અનુસાર વજન ઘટાડવા માટે સાદા પાણીમાં માત્ર બે ચમચી મધ નાંખીને જ લેવું યોગ્ય અને હિતકારક છે. આયુર્વેદશાસ્ત્ર પ્રમાણે મધને ગરમ ન કરવું જોઇએ કારણ કે તેમ કરવાથી તેમાં રહેલા તત્વો એ ફાયદો કરવાને બદલે નુકશાન કારક બની શકે છે અને તે એક પ્રકારના ઝેર (ખરાબ તત્વ) તરીકે કામ કરતું હોય છે અને એ જ કારણ પણ હોઇ શકે કે તે તમને ઝાડા કરાવવા તરીકે કામ આપે છે. હકીકતમાં તે તેની સાઇડ ઇફેક્ટ છે; નહિ કે તે કબજિયાત દૂર કરે છે. ભવિષ્યમાં તમને ઝાડાનો પ્રશ્ન પણ ઉદ્ભવી શકે.
બીજું એ કે રોજ ગરમ પાણીમાં મધ અને તેમાં લીબું નાંખવુ. દરરોજ આવી રીતે લિંબુ લેવાને કારણે ભવિષ્યમાં સાંધા જકડાઇ જવા અને સાંધાનો વા થવો જેવી તકલીફો ઘણાં બધાં લોકો ને વેઠતા મેં મારી પ્રેક્ટિસમાં જોયા જ છે. અને તેનાં દૂરના ભવિષ્યના જોખમોનો ચોક્કસ વિચાર કરવો જોઇએ.
આ રીતે જો વિચાર કરીએ તો આ પ્રયોગ તમારે બંધ કરી દેવો જોઇએ અને તેના માટે તમારે તમને માફક આવે તે માત્રામાં એરંડ ભૄષ્ટ હરીતકી ચૂર્ણ કે હરીતકી ચૂર્ણ અથવા ત્રફ્લા અને ઇસબગુલ સાથે લેવું જોઇએ.
૨. આપે જે તકલીફ વર્ણવી છે તે એસીડીટી કહી શકાય પણ આયુર્વેદની ભાષામાં તે અમ્લપિત્ત તરીકે લેવું જોઇએ અને તેમાં ઇસબગુલ અને દૂધ તમને થોડો સમય જ રાહત આપી શકે. પણ કાયમી રાહત માટે ઓગ્ય સારવાર કરાવવી સારી રહે. આ તકલીફ જો લાંબો સમય રહે તો પણ તમને ફરીથી પાઇલ્સ ની તકલીફ થઇ શકે છે.
નીચે મુજબ ઔષધો શરૂ કરી શકાય અને યોગ્ય જણાય તો આપ ફોન કે ઇમેઇલ દ્વારા કન્સલ્ટીંગ કરાવી ને દવા પણ કુરિયરથી મંગાવી શકો છો.
.૧ અમ્લપિત્તહર ટેબલેટ ૨ ગોલી ૨ વાર
૨. અવિપત્તિકર ટેબલેટ બે ગોળી બે વાર
૩. પ્રવાલ પંચામૃત ટેબલેટ ૧ ગોળી બે વાર
૪. સિરપ ACITRA ૩ – ૩ ચમચી ત્રણ વાર બરાબર હલાવીને લેવું.
આ સિવાય આયુર્વેદની પંચકર્મની સારવાર પણ આપને લાભદાયી નિવડશે.
૧. વિરેચન કર્મ
૨. બસ્તિકર્મ
૩. શિરોધારા કર્મ
આવા સમયમાં આપ નેગેટીવ વિચારોથી દૂર રહીને હંમેશા પોઝીટીવ જ વિચારવાનું રાખો.
રોજ સવારે ચાલવા જવાનું, યોગ, પ્રાણાયામ અને ધ્યાન કરવાનું રાખશો તો ઝડપથી ફાયદો થશે.
યોગાસનઃ
૧. પશ્ચિમોતાનાશન
૨, ચક્રાસન
૩. પવન મુક્તાસન
૪. પ્રાણાયામ
વૈદ્ય નિકુલ પટેલ (બી.એ.એમ.એસ.)
307, ત્રીજો માળ, શાલિન કોમ્પ્લેક્સ, ફરકી લસ્સીની ઉપર, કૃષ્ણબાગ ચાર રસ્તા, મણિનગર, અમદાવાદ – 380008
સમય: સવારે 10:00 થી 1:00 અને બપોરે 3:00 થી 6:30 | શનિ–રવિ: બંધ
📍 ક્લિનિકનું Location — Google Maps