નમસ્તે
આપનો દિવસ સ્વસ્થ રહે !!
ડૉ. નિકુલ પટેલ દ્વારા સંચાલિત આયુર્વેદના આરોગ્ય વિશ્વમાં આપનું સ્વાગત છે.
આપની સમસ્યા પ્રમાણે ઘૂંટણમાં ઈજા થયા પછી તેમાં વારંવાર પાણી ભરાઈ જાય છે.
આ સમસ્યા માટે સંધિવાતની સારવાર લેવી જરૂરી છે અને સાથે આરામ રાખવો પણ જરૂરી છે.
જ્યારે પણ ઈજા થાય ત્યારે સાંધાની અંદરના પ્રવાહીમાં તકલીફ થાય છે, જેના કારણે પાણી ભરાય છે અને સોજો આવે છે.
આયુર્વેદમાં આની ખૂબ સારી સારવાર છે, પણ તે માટે લાંબા સમય સુધી દવા લેવી જરૂરી છે અને સાથે ઘૂંટણ પર શેક અને લેપ કરવો પણ જરૂરી છે.
બજારમાંથી નીચેની દવાઓ ૩ થી ૯ મહિના નિયમિત લેવાથી સમાધાન થઈ શકે છે:
- ત્રિફળા ગુગળ ૨ ગોળી સવાર-સાંજ
- પુનર્નવાષ્ટક કાઢો ૧૦ મિલિ સવાર-સાંજ
- ઘૂંટણ પર લેપગુટીનો લેપ કરવો
આપની આ સમસ્યામાં પંચકર્મ સારવાર પણ ખૂબ લાભદાયી થઈ શકે છે:
- વિરેચન કર્મ
- બસ્તિ કર્મ
- જાનુ બસ્તિ
- લેપન કર્મ
આવા સમયમાં નકારાત્મક વિચારોથી દૂર રહીને હંમેશા હકારાત્મક વિચાર રાખો.
નીચેનાં યોગાસન કરો:
- પદ્માસન
- પશ્ચિમોત્તાનાસન
- વજ્રાસન
- સર્વાંગાસન
- ભુજંગાસન
- ચક્રાસન
- પ્રાણાયામ
બધી ખટાશ બંધ કરવી અને આરામ કરવો.
નોંધ:
અહીં આપેલી સલાહ સુરક્ષા અને દરેક જગ્યાએ ઉપલબ્ધતાના આધારે આપવામાં આવી છે. જોકે, પરિણામ દવા બનાવનાર કંપનીની ગુણવત્તા પર આધાર રાખી શકે છે.
અમારી પાસે સારી ગુણવત્તાની દવાઓ પણ ઉપલબ્ધ છે. અમે દવાઓ બિન-વ્યાવસાયિક ધોરણે બનાવીએ છીએ અને માત્ર અમારા ક્લિનિક પરથી જ મોકલીએ છીએ. કોઈ પણ વ્યક્તિ અમારે ત્યાંથી શુદ્ધ દવાઓ લઈ જઈ શકે છે અથવા કુરિયર દ્વારા દુનિયાભરમાં મંગાવી શકે છે (કુરિયર ચાર્જ અલગ). ઓનલાઇન કન્સલ્ટિંગ દ્વારા દવા મેળવવા માટે ઈમેલ અથવા વોટ્સએપ મેસેજ કરો.
વૈદ્ય નિકુલ પટેલ (બી.એ.એમ.એસ.)
307, ત્રીજો માળ, શાલિન કોમ્પ્લેક્સ, ફરકી લસ્સીની ઉપર, કૃષ્ણબાગ ચાર રસ્તા, મણિનગર, અમદાવાદ – 380008
સમય: સવારે 10:00 થી 1:00 અને બપોરે 3:00 થી 6:30 | શનિ–રવિ: બંધ
📍 ક્લિનિકનું Location — Google Maps