નમસ્કાર સાહેબ, મારી ઉમર 36 વર્ષ છે. મને ઘણા સમયથી એંઝાટીની સમસ્યા છે જેનાં કારણે બીપી વધી જાય છે અમે કબજિયાત અને ગેસની સમસ્યા રહે છે. બહાર જવાનું થાય ત્યાંરે ડર લાગે છે વજન પણ વધી ગયુ છે. માથામા ડાબી બાજુ ક્યારેક દુઃખાવો રહે છે અમુક સમય માટે. માનસિક સમસ્યાનું નિદાન ચાલુ છે. ગેસ વધું રહે છે. શંખવટી લવ છું. યોગ્ય નિદાન જણાવશો. આભારસહ
આ વિષય પર વિગતવાર વાંચો
નમસ્તે
આપનો દિવસ સ્વસ્થ રહે !!
ડૉ. નિકુલ પટેલ દ્વારા સંચાલિત આયુર્વેદના આરોગ્ય વિશ્વમાં આપનું સ્વાગત છે.
આપની સમસ્યા પ્રમાણે આપની ઉંમર ૩૬ વર્ષ છે. આપને લાંબા સમયથી એન્ઝાયટી (ગભરાટ) રહે છે, તેને કારણે બીપી વધી જાય છે, સાથે કબજિયાત અને ગેસની તકલીફ, બહાર જતાં ડર, વજન વધવું અને ક્યારેક માથાના ડાબા ભાગમાં દુઃખાવો રહે છે.
આયુર્વેદની દ્રષ્ટિએ આ બધી તકલીફો એકબીજા સાથે જોડાયેલી છે. મનમાં ચિંતા અને ગભરાટ રહે ત્યારે વાયુ (વાત) અને પિત્ત બગડે છે, જેથી પાચન નબળું પડે છે, ગેસ અને કબજિયાત થાય છે, અને પેટમાં ગેસ ભરાય ત્યારે ગભરાટ અને બીપી પણ વધે છે. એટલે મન અને પેટ – બંનેની સારવાર સાથે કરવી જરૂરી છે.
ખાસ નોંધ: આપની માનસિક સમસ્યાની જે સારવાર ચાલુ છે તે ડૉક્ટરની સલાહ વિના બંધ ન કરવી. બીપી નિયમિત માપતા રહેવું. નીચેની આયુર્વેદ દવાઓ સાથે લઈ શકાય છે.
નીચે પ્રમાણેના ઔષધો આપ ૩ મહિના ચાલુ રાખો અને ત્યારબાદ એકવાર સંપર્ક કરશો જેથી આગળનું વિચારી શકાય.
- બ્રાહ્મી વટી – ૧ ગોળી સવાર-સાંજ પાણી સાથે
- મેધ્ય રસાયન ટેબલેટ – ૨ ગોળી સવાર-સાંજ
- અશ્વગંધા ચૂર્ણ – અડધી ચમચી રાત્રે હૂંફાળા દૂધ સાથે
- શંખવટી – ૨ ગોળી જમ્યા પછી (હાલ લો છો તે ચાલુ રાખવી)
- એરંડ ભૃષ્ટ હરીતકી ચૂર્ણ – ૧ ચમચી રાત્રે સૂતી વખતે હૂંફાળા પાણી સાથે
પંચકર્મ સારવાર –
આ સિવાય આયુર્વેદની પંચકર્મની સારવાર પણ આપને લાભદાયી નિવડશે.
- વિરેચન કર્મ
- બસ્તિકર્મ
- શિરોધારા કર્મ (એન્ઝાયટી અને માથાના દુઃખાવામાં ખાસ ઉપયોગી)
આહાર –
- બજારનાં નાસ્તા બંધ કરવા અને તાજો અને હળવો ખોરાક લેવો.
- વધારે તીખું, ખારું, ખાટું, તળેલું અને આથાવાળું ન લેવું.
- ચા-કોફી ઓછી કરવી; રાત્રે મોડું ન જમવું.
- જમ્યા પછી ૫ મિનિટ વજ્રાસનમાં બેસવું.
યોગ – પ્રાણાયામ –
આવા સમયમાં આપ નેગેટીવ વિચારોથી દૂર રહીને હંમેશા પોઝીટીવ જ વિચારવાનું રાખો. રોજ સવારે ૩૦ મિનિટ ચાલવા જવાનું, યોગ, પ્રાણાયામ અને ધ્યાન કરવાનું રાખશો તો ઝડપથી ફાયદો થશે.
- અનુલોમ-વિલોમ પ્રાણાયામ
- ભ્રામરી પ્રાણાયામ
- પવનમુક્તાસન
- શવાસન
- ધ્યાન – રોજ ૧૦ મિનિટ
નોંધ:
અહીં આપેલી સલાહ સુરક્ષા અને દરેક જગ્યાએ ઉપલબ્ધતાના આધારે આપવામાં આવી છે. જોકે, પરિણામ દવા બનાવનાર કંપનીની ગુણવત્તા પર આધાર રાખી શકે છે.
અમારી પાસે સારી ગુણવત્તાની દવાઓ પણ ઉપલબ્ધ છે. અમે દવાઓ બિન-વ્યાવસાયિક ધોરણે બનાવીએ છીએ અને માત્ર અમારા ક્લિનિક પરથી જ મોકલીએ છીએ. કોઈ પણ વ્યક્તિ અમારે ત્યાંથી શુદ્ધ દવાઓ લઈ જઈ શકે છે અથવા કુરિયર દ્વારા દુનિયાભરમાં મંગાવી શકે છે (કુરિયર ચાર્જ અલગ). ઓનલાઇન કન્સલ્ટિંગ દ્વારા દવા મેળવવા માટે ઈમેલ અથવા વોટ્સએપ મેસેજ કરો.
વૈદ્ય નિકુલ પટેલ (બી.એ.એમ.એસ.)
307, ત્રીજો માળ, શાલિન કોમ્પ્લેક્સ, ફરકી લસ્સીની ઉપર, કૃષ્ણબાગ ચાર રસ્તા, મણિનગર, અમદાવાદ – 380008
સમય: સવારે 10:00 થી 1:00 અને બપોરે 3:00 થી 6:30 | શનિ–રવિ: બંધ
📍 ક્લિનિકનું Location — Google Maps