નમસ્તે સાહેબ
મારા જમણા કાનમાં પાંચ વર્ષથી બહેરાશ છે. હવે ડાબા કાનમાં પણ શરૂ થવા માંડી છે. બેઉ કાનમાં સતત જાતજાતના અવાજ આવે છે. બારેય મહીના શરદી મટતી નથી. નાક બંધ થઇ જાય છે અને શ્વાસ લેવામાં તકલીફ પડે છે. ભણવાનું યાદ રહેતું નથી. માથું દુખ્યા કરે છે. એક વખત મુંબઇના એક જાણીતા ડોક્ટર પાસે કાનના પડદાનું ઓપરેશન પણ કરાવ્યું છે છતાં ફાયદો થયો નહી. હવે મારા અભ્યાસમાં ઘણી જ મૂશ્કેલી પડે છે. મને કોઈ ઉપાય બતાવશો મને તો જેમ કહેશો તેમ કરીશ
નમસ્તે
વૈદ્ય નિકુલ પટેલ દ્વારા સંચાલિત લાઇફકેર આયુર્વેદમાં આપનું સ્વાગત છે.
આપની સમસ્યા પ્રમાણે આપને બહેરાશની તકલીફ છે આપે આપની ઉંમર અહીં જણાવી નથી. શરૂઆતમાં જમણા કાનમાં તકલીફ હતી અને હવે ડાબા કાનમાં પણ શરૂઆત થવા માંડી છે. સાથે સાથે તમને જાતજાતના અવાજ પણ આવે છે, પણ આ બધાના મૂળમાં જે વાત છે તે તમને ન મટનારી કાયમી શરદી છે.
ખાસ કરીને ગળાથી ઉપરના રોગોની અંદર અને કાનના રોગો જેમ કે કાનમાંદુખાવો થવો જેમ કે કાનમાંથી પરુ આવવું રસી આવવી, કાનના પડદામાં કાણું પડવું, બહેરાશ આવવી, કાનમાં અવાજ આવવો. આ બધાજ પ્રકારના કાનના રોગોની અંદર સૌથી મહત્વની વાત જો હોય તો કાયમી શરદી છે. જે લોકોને કાયમી શરદી રહેતી હોય યોગ્ય સારવાર ન થતી હોય તો તેને કાનના રોગો હંમેશા રહેતા હોય છે.
આપના કેસની અંદર જોઈએ તો આપને કાયમી શરદી છે. શ્વાસ લેવામાં તકલીફ છે અને નાક પણ બંધ થઈ જાય છે. આ બધાના કારણે માથું પણ દુખ્યા કરે છે. વારંવાર શરદી થવાના કારણે તમે જ્યારે એલોપેથી દવા લેતા હો છો ત્યારે શરદી થોડાં સમય માટે મટી જાય છે, પણ ફરીથી ઋતુ બદલાય ત્યારે એ શરદી વધી જતી હોય છે.
આપના કાનના અને શરદીના બંને રોગનો ઈલાજ આમ જોઈએ તો એક જ છે. એના માટે તમારે સૌથી પહેલા કાયમી શરદી મટાડવી પડે. કાયમી શરદી મટી જાય તો પછી બાકીની જે કાનની તકલીફો છે તેને સારી કરી શકાશે.
નીચે પ્રમાણે ના ઔષધો આપ ૫-૬ મહિના ચાલુ રાખો અને ત્યારબાદ એકવાર સંપર્ક કરશો જેથી આગળનું વિચારી શકાય.
૧. વ્યોષાદી વટી બે ગોળી બે વાર
૨. ત્રિફળા ગુગળ બે ગોળી બે વાર
૩. કફકેતુ રસ ૧ ગોળી બે વાર .
૪. સારીવાદી વટી બે ગોળી બે વાર
૫. કોફાન્ત સિરપ ૧૫ મિલિ બરાબર હલાવીને ત્રણ વાર
૬. સુવર્ણવસંત માલતી ગોળી સવારે મધ સાથે ચાટવી.
• બજારનાં નાસ્તા બંધ કરવા અને તાજો અને હળવો ખોરાક લેવો. વધારે તીંખુ, ખારૂં, દહીં છાશ ટામેટા અને કોક્મ આંબલી બધીજ ખટાશ બંધ કરવી.
• ગોળ બંધ કરવો.
• ફ્રિજનું પાણી અને ફ્રિજમાં મુકેલી તમામ વસ્તુઓ ન લેવી.
• વાસી ખોરાક ન લેવો, મેંદાની વસ્તુઓ અને બેકરીની વસ્તુઓ જેવી કે બ્રેડ બિસ્કીટ પાંઉ બિલકુલ ન લેવા.
• સવારમાં તુલસીના ૧૦ પાન અને તેના સાથે ૫ નંગ કાળા મરી તેની સાથે મૂકીને ચાવી જવા
• છાતી ઉપર હળવો શેક કરવો,
• રાત્રે ઉજાગરા ન કરવા અને દિવસે મોડા સુધી ના સૂવું
• પાણીમાં કે વરસાદમાં વધારે પલળવું નહિં અને પંખાના ડાયરેક્ટ પવનથી દૂર રહેવું, એ.સી. બિલકુલ વાપરવું નહિં
આવા સમયમાં આપ નેગેટીવ વિચારોથી દૂર રહીને હંમેશા પોઝીટીવ જ વિચારવાનું રાખો.
રોજ સવારે ચાલવા જવાનું, યોગ, પ્રાણાયામ અને ધ્યાન કરવાનું રાખશો તો ઝડપથી ફાયદો થશે.
વૈદ્ય નિકુલ પટેલ (બી.એ.એમ.એસ.)
307, ત્રીજો માળ, શાલિન કોમ્પ્લેક્સ, ફરકી લસ્સીની ઉપર, કૃષ્ણબાગ ચાર રસ્તા, મણિનગર, અમદાવાદ – 380008
સમય: સવારે 10:00 થી 1:00 અને બપોરે 3:00 થી 6:30 | શનિ–રવિ: બંધ
📍 ક્લિનિકનું Location — Google Maps