હું નિયમિત સવારના 2 કલાક પ્રાણાયામ આસનો કરું છું સાંજે 1 કલાક વોકિંગ કરું છું સવારના 9 વાગ્યે અને સાંજે 7 વાગ્યે ભોજન લઉં છું છતાં કબજિયાત રહે છે અહીં આયુર્વેદ અને એલોપથી ડૉક્ટર મિત્રનું કહેવું છે હેરીડેટરી હોય તો આનો કઈ ઈલાજ બતાવશો
આભાર
નમસ્તે
આપનો દિવસ સ્વસ્થ રહે !!
ડૉ. નિકુલ પટેલ દ્વારા સંચાલિત આયુર્વેદના આરોગ્ય વિશ્વમાં આપનું સ્વાગત છે.
આપ નિયમિત પ્રાણાયામ, આસન અને ચાલવાનું કરો છો, સમયસર જમો છો – તે ખૂબ સારું છે. “વારસાગત કબજિયાત” હોય તો પણ સારવાર થઈ શકે; આયુર્વેદ પ્રમાણે આ ક્રૂર કોષ્ઠ (આંતરડાની સૂકી – વાત પ્રકૃતિ) ગણાય, જેમાં આંતરડાંને ચીકાશ (સ્નેહ) ની જરૂર હોય છે.
- ગંધર્વ હરીતકી ચૂર્ણ – ૧ ચમચી રાત્રે હૂંફાળા પાણી સાથે
- રાત્રે ૧ ચમચી ગાયનું ઘી હૂંફાળા દૂધમાં
- ત્રિફળા ચૂર્ણ – ૧ ચમચી રાત્રે (ગંધર્વ હરીતકી ને બદલે વારાફરતી)
- સવારે ઉઠીને ૨ ગ્લાસ હૂંફાળું પાણી
- અઠવાડિયે એક વાર પેટ પર દિવેલની માલિશ
આહાર: ઘઉંનાં થૂલાં, પપૈયું, અંજીર, કાળી દ્રાક્ષ, ઘી, લીલાં શાકભાજી વધારે. બાજરી, ચણા, બિસ્કિટ, મેંદો, ફ્રીજનું પાણી, વધુ ચા બંધ. ભોજનમાં થોડું ઘી અવશ્ય રાખવું.
પંચકર્મ: માત્રા બસ્તિ / અનુવાસન બસ્તિ – આ પ્રકારની કબજિયાતમાં સૌથી અસરકારક.
નોંધ:
અહીં આપેલી સલાહ સુરક્ષા અને દરેક જગ્યાએ ઉપલબ્ધતાના આધારે આપવામાં આવી છે. જોકે, પરિણામ દવા બનાવનાર કંપનીની ગુણવત્તા પર આધાર રાખી શકે છે.
અમારી પાસે સારી ગુણવત્તાની દવાઓ પણ ઉપલબ્ધ છે. અમે દવાઓ બિન-વ્યાવસાયિક ધોરણે બનાવીએ છીએ અને માત્ર અમારા ક્લિનિક પરથી જ મોકલીએ છીએ. કોઈ પણ વ્યક્તિ અમારે ત્યાંથી શુદ્ધ દવાઓ લઈ જઈ શકે છે અથવા કુરિયર દ્વારા દુનિયાભરમાં મંગાવી શકે છે (કુરિયર ચાર્જ અલગ). ઓનલાઇન કન્સલ્ટિંગ દ્વારા દવા મેળવવા માટે ઈમેલ અથવા વોટ્સએપ મેસેજ કરો.
વૈદ્ય નિકુલ પટેલ (બી.એ.એમ.એસ.)
307, ત્રીજો માળ, શાલિન કોમ્પ્લેક્સ, ફરકી લસ્સીની ઉપર, કૃષ્ણબાગ ચાર રસ્તા, મણિનગર, અમદાવાદ – 380008
સમય: સવારે 10:00 થી 1:00 અને બપોરે 3:00 થી 6:30 | શનિ–રવિ: બંધ
📍 ક્લિનિકનું Location — Google Maps