હસ્તમૈથુનની આડઅસર અને નપુંસકતા જેવી સ્થિતિ

નમસ્તે
વૈદ્ય નિકુલ પટેલ દ્વારા સંચાલિત લાઇફકેર આયુર્વેદમાં આપનું સ્વાગત છે.

આપને જે સમસ્યા લાગે છે તેવી સમસ્યા એ ઘણાં બધા આપની ઉંમરના યુવકોમાં જોવા મળે છે. ખાસ કરીને લગ્ન પહેલા આવી મૂંઝવણ મોટેભાગે જોવા મળતી હોય છે.

યુવાવસ્થા શરૂ થતાંની સાથે જ હસ્તમૈથુન ની આદત ખાસ કરીને શરૂ થઇ જતી હોય છે અને આ ઉંમરમાં આવતા જાતિય આવેગો માટે હસ્તમૈથુન એ જ વધારે સારો અને હાથવગો ઉપાય હોય છે.

સામાન્ય રીતે હસ્તમૈથુન માટે ઘણી બધી ગેરમાન્યતાઓ પ્રવર્તે છે જેના માટે વિગતવાર ક્યારેક વાત કરીશું. પણ અઠવાડિયામાં એક-બે વાર કરવામાં આવતા હસ્તમૈથુનની સાથે જો પૌષ્ટિક ખોરાક પણ લેવામાં આવે તો આવી સમસ્યા સર્જાવાની શકયતાઓ નહિવત્ત રહે છે.

પરંતું વધારે પ્રમાણમાં હસ્તમૈથુન ને કારણે લિંગમાં ધીમે – ધીમે ઉત્તેજના ઘટવા લાગે છે. એટલું જ નહિં પણ જલ્દીથી ઉત્તેજના આવવી પણ મુશ્કેલ બને છે અને તે ઉત્તેજના મેળવવા માટે અનેક પ્રયાસો કરવામાં તકલીફ વધુ ને વધુ વધતી જાય છે.

મોટેભાગે યુવકો એવું વિચારે છે કે મને અત્યારે ઉત્તેજના ઓછી થઇ ગઇ છે તો લગ્ન પછી ઉત્તેજના નહિં જ આવે ને? આ વિચાર એ તદ્દ્ન ભૂલ ભરેલો છે અને તેના ટેન્શનમાં આત્મવિશ્વાસ ખૂટવાથી આ તકલીફ વધુ ને વધુ જાળ ફેલાવે છે.

૧. આના સરળ ઉપાય માં સૌ પ્રથમ તો હસ્તમૈથુન નું પ્રમાણ ઓછું કરી દો અને તેના માટે આપનું ધ્યાન બીજી અન્ય જગ્યાએ કેન્દ્રિત કરી દો.
૨. બજારનાં નાસ્તા, તીખું, તળેલું, વાસી ખોરાક વગેરેની જગ્યાએ તાજો ખોરાક, ઘી, દૂધ અને માખણ વાળો ખોરાક, ફળો, સૂકોમેવો વગેરે વધુ ને વધુ આરોગો.
૩. યોગ, પ્રાણાયામ, હલવી કસરતો વગેરે નિયમિત કરો.
૪. અશ્લિલ સાહિત્ય, ફિલ્મ કે વેબસાઇટથી દૂર રહો.
આ ઉપરાંત આયુર્વેદના શાસ્ત્રમાં તો લગ્ન ના બે-ત્રણ મહિના અગાઉ દરેક પુરૂષે જાતિય શક્તિ વધે તેવા ઔષધોનું નિત્ય સેવન કરવું જોઇએ તેવો ઉલ્લેખ છે. આપના કેસમાં પણ આપના લગ્ન નાં ત્રણ – ચાર મહિના પહેલાંથી નીચેના ઔષધો લેવાનું શરૂ કરી દેવાથી કોઇ પ્રશ્ન નહિં આવે અને આપ સુખેથી લગ્નજીવનનો આનંદ માણી શકશો.

આપ નીચે પ્રમાણે સારી ફાર્મસીની આયુર્વેદિક દવાઓ શરૂ કરીને આપની સમસ્યાનું સમાધાન મેળવી શકો છો.
૧. શુદ્ધ મકરધ્વજ વટી એક ગોળી સવાર સાંજ મધ સાથે – જમ્યા પહેલા કે પછી ગમે ત્યારે લઇ શકાય
૨. વૃષ્ય ટેબલેટ બે ગોળી સવાર સાંજ પાણી સાથે – જમ્યા પહેલા કે પછી ગમે ત્યારે લઇ શકાય
૩. આત્મગુપ્તા ટેબ બે ગોળી સવાર સાંજ પાણી સાથે – જમ્યા પહેલા કે પછી ગમે ત્યારે લઇ શકાય
૪. વરદા ટેબ બે ગોળી સવાર સાંજ પાણી સાથે – જમ્યા પહેલા કે પછી ગમે ત્યારે લઇ શકાય
૫. વાજીકરણ તેલ બાહ્ય ઉપચાર માટે – લિંગ પર માલિશ કરવાથી નબળી પડેલી નસો મજબૂત બનશે.
આવા સમયમાં આપ નેગેટીવ વિચારોથી દૂર રહીને હંમેશા પોઝીટીવ જ વિચારવાનું રાખો.
રોજ સવારે ચાલવા જવાનું, યોગ, પ્રાણાયામ અને ધ્યાન કરવાનું રાખશો તો ઝડપથી ફાયદો થશે.

યોગાસનઃ
૧. પશ્ચિમોતાનાશન
૨, ચક્રાસન
૩. પવન મુક્તાસન
૪. પ્રાણાયામ