મુખમૈથુન અને પ્રેગ્નન્સી ની મૂંઝ્વણ

નમસ્તે
વૈદ્ય નિકુલ પટેલ દ્વારા સંચાલિત લાઇફકેર આયુર્વેદમાં આપનું સ્વાગત છે.
આપના પ્રશ્નના જવાબ આ પ્રમાણે વિગતવાર છે, વધુ માહિતી માટે ઇમેઇલ કરશો.

૧. તમારા પતિના લિંગ પરથી જે પહેલા પ્રવાહી નિકળ્યું હતું તે વીર્ય ન હતું, તે તો જ્યારે જ્યારે પણ પુરુષ ઉત્તેજિત થાય ત્યારે પ્રત્યેક ના લિંગમાંથી થોડા પ્રમાણમા ચીકણું પ્રવાહી નિકળે જ અને તે સમાગમ દરમ્યાન ઉંજણ નું કામ કરે છે. શુક્રાણું તો જ્યારે તે ચરમ અવસ્થામાં પહોંચે ત્યારે જોરથી જે પાણી છૂટે તેમાં જ આવે.

૨. કોઇપણ સ્ત્રી ત્યારે જ પ્રગ્નન્ટ બને જ્યારે શુક્રાણું યોનિમાર્ગ દ્વારા ગર્ભાશયમાં પ્રવેશ કરે. મુખમૈથુન દ્વારા વીર્યના શુક્રાણું મોંમા જતા હોઇ તે ગર્ભાશય સુધી પહોંચી ન શકે તેથી પ્રેગનન્સી ક્યારેય ન રહે. એટલા માટે ફરીથી કદાચ વીર્ય મોંમા આવી પણ જાય તો પન કદીયે પ્રેગ્નન્સી રહે જ નહીં.

૩. મુખમૈથુન ની વિગતવાર થોડી સમજ –

તમે પહેલી વાર મુખ મૈથુન કર્યુ અને તેમાં તમને અને તમારા પતિ બન્ને ને આનંદ આવ્યો અને તમને બીજી વાર કરવાનું મન થયું. સેક્સના વિવિધ પ્રકારોમાં મુખમૈથુન એ પણ એક એવો પ્રકાર છે જેમાં મુખ દ્વારા – જીભથી જાતિય અંગોને ઉત્તેજીત કરાવીને ચરમસીમા સુધી લઇ જવાય છે અને આ પ્રકારમાં ક્યારેય પ્રેગનન્સી રહેવાનો ભય નથી રહેતો અને એટલે જ કુંવારા છોકરા – છોકરીઓ આ પ્રકારને વધુ પસંદ કરે છે.

સામાન્ય રીતે જાતિય જીવનમાં એક જ પ્રકારના સેક્સથી કંટાળી ન જવાય તે માટે આ પ્રકારથી ક્યારેક ક્યારેક બદલ પણ જાતિય જીવનને વધું આનંદદાયક બનાવે છે.

ક્યારેક સાથી ને જો ઉત્તેજના ન હોય તો સ્ત્રી કે પુરુષ પોતાના સાથીને ઉત્તેજીત કરવા માટે પણ આનો ઉપયોગ ફોરપ્લે તરીકે કરીને પછી પૂર્ણ સેક્સ નો આનંદ લેતા હોય છે.

જેમ આપે તમારા પતિના લિંગને ચૂસ્યુ તે રીતે પુરુષ દ્વારા પણ યોનિ ને જીભ દ્વારા સ્પર્શ આપીને સેક્સ કરી શકાય છે અને બીજા એક પ્રકારમાં બન્ને એક સાથે એકબીજાને મુખમૈથુન કરે છે.

લગ્નજીવનના એકસરખા ચાલતા રહેલા ક્રમમાં આ રીતે અલગ અલગ રીતો એ જાતીય જીવનને મધુર ચોક્કર બનાવે છે, પણ મુખમૈથુન એ પતિ-પત્નિ બન્નેની સહમતિ થી જ થવું યોગ્ય છે. જબરદસ્તી એ અયોગ્ય છે.

મુખમૈથુન પૂર્વે બન્નેના જાતીય અંગોની યોગ્ય રીતે સફાઇ થયેલી હોવી આવશ્યક છે અને મોંમાં કોઇ કારણથી ચાંદા પડ્યા હોય તો તે સારું ન થા ત્યાં સુધી પરેજી પાળવી જરુરી છે.

૪. પ્રેગનન્સી રહેવા માટેની ભૂલો

– સંપૂર્ણ રીતે કોઇપણ પ્રકારનાં ઉપકરણ – જેવા કે કોન્ડૉમ કે ગર્ભનિરોધક ગોળી વગેરે નો ઉપ્યોગ કર્યા વિના સંભોગ થાય અને વીર્ય એ યોનિમાં જ નિકળી જાય તો ગર્ભ રહેવાની શક્યતા રહે જ.

– ઘણી વાર ઘણાં કપલ સમાગમના છેલ્લા સમયે લિંગ બહાર કાઢીને વીર્ય બહાર જ સ્ખલિત થઇ જાય તે રીતે ગર્ભ રહેતો અટકાવવાનો પ્રયત્ન કરતા હોય છે. પણ ક્યારેક તેમાં ભૂલ થઇ જાય તો ગર્ભ રહી શકે છે.

– યોનિની બહાર વીર્ય નીકળે પણ ધ્યાન બહાર થોડો ભાગ જો અંદર સરકી જાય તો પણ ગર્ભ રહી શકે.

૫.પ્રેગનન્સી ન રહે તે માટે આટલા ઉપાયો કરી શકાય.. જેમાં પ્રેગનન્સી રહેતી નથી.

– પરિવાર નિયોજન માટેનું ઓપરેશન કરાવીને કાયમ માટે નિશ્ચિંત થઇ જવાય.

– કૉપર-ટી

– કોન્ડૉમ નો ઉપયોગ

– ગર્ભ નિરોધક ગોળી

– મુખમૈથુન

– હસ્તમૈથુન

વધું જાણકારી માટે આપના પ્રશ્નો આવકાર્ય છે.