સર, મારી ઉંમર ૪૨ વર્ષ છે. મારી સેક્સ લાઇફ સારી છે અને મને તથા મારી પત્નીને એકબીજાથી સંપૂર્ણ સંતોષ છે. પરંતુ છેલ્લા બે-ત્રણ મહિનાથી મારા શિશ્નના આગળના ભાગમાં ખૂબ ખંજવાળ આવે છે. ખંજવાળ થાય ત્યારે હું પાણીથી શિશ્ન ધોઈને સાફ કરું છું, ત્યાર પછી થોડી રાહત મળે છે.
છેલ્લા એક મહિનાથી શિશ્નની આગળની ચામડી પાછળ ખેંચવામાં મુશ્કેલી થાય છે અને થોડો દુખાવો પણ થાય છે. ચામડી ચોંટી ગઈ હોય એવું લાગે છે. થોડું તેલ લગાવવાથી ચામડી નરમ પડે છે અને પછી આગળ-પાછળ થઈ શકે છે. ત્યારબાદ હું સંભોગ પણ કરી શકું છું. યોનિમાં પ્રવેશ થયા પછી ચામડી ધીમે ધીમે નરમ પડતી હોય એવું લાગે છે. જોકે છેલ્લા એક અઠવાડિયાથી આગળની ચામડી લાલ પણ થવા લાગી છે.
હું દરરોજ સવારે સ્નાન કરતી વખતે શિશ્નની સફાઈ કરું છું. સાબુથી પણ વ્યવસ્થિત સફાઈ કરું છું. ક્યારેક નાળિયેરનું તેલ અને ક્યારેક તલનું તેલ લગાવીને માલિશ કરું છું. છેલ્લા એક મહિના દરમિયાન હું બહાર હોવાથી સંભોગ કર્યો નહોતો, પરંતુ છેલ્લા બે દિવસથી ફરી સંભોગ શરૂ કર્યો છે.
મારે જાણવું છે કે આ સમસ્યા સાબુથી સફાઈ કરવા અથવા તેલ લગાવવાથી થઈ શકે છે કે નહીં? શિશ્નની આગળની ચામડીમાં ખંજવાળ, લાલાશ અને ખેંચવામાં મુશ્કેલી થવાનું શું કારણ હોઈ શકે? આ સમસ્યામાં કયું તેલ લગાવવું યોગ્ય છે અને શું કોઈ વિશેષ સારવારની જરૂર છે? કૃપા કરીને યોગ્ય માર્ગદર્શન આપશો.