શિશ્નમણિને જોડતી ચામડી હસ્તમૈથુન કરતી વખતે ફાટી ગઈ

નમસ્તે
વૈદ્ય નિકુલ પટેલ દ્વારા સંચાલિત લાઇફકેર આયુર્વેદમાં આપનું સ્વાગત છે.
નમસ્તે !!
આપની સમસ્યા એ શિશ્નમણિને જોડતી ચામડી તૂટી જવાના સંદર્ભની છે. સામાન્ય રીતે ઘણાં બધા પુરુષોમાં આ શિશ્નમણીને વિંટળાયેલી ચામડીનું મુખ સાંકડું હોવાને કારણે મૂત્રત્યાગ જેવી ક્રિયા કરતી વખતે ખબર પડતી નથી પણ સેક્સ માટે જ્યારે ઉત્તેજના થાય અને ખાસ કરીને હસ્તમૈથુન કે સમાગમ કરવાનો પ્રયત્ન કરે ત્યારે તેમાં તકલીફ જણાય છે, તેમ છતાં તો મહાપ્રયત્ને – પરાણે કરવાનો પ્રયત્ન કરે તો તે ચામડી તૂટી જવાની શક્યતા રહે છે.

આવા સંજોગોમાં જો ધ્યાનમાં આવી જાય તો ડોક્ટર પાસે જઇને તેનું નાનું ઓપરેશન કરાવવું આવશ્યક બને છે અને થોડા દિવ્સ સુધી સમાગમ કે ઉત્તેજના થી દૂર રહેવાથી તેમાં રૂઝ આવી જતી હોય છે અને સામાન્ય સેક્સલાઇફ માણી શકાતી હોય છે.

આપના કેસમાં તો તે તમારાથી જ ફાટી ગઇ છે, તો થોડા સમય સુધી જ્યાં સુધી તેમાં રૂઝ પૂરેપૂરી ન આવે ત્યાં સુધી દુઃખાવો પણ રહેશે અને એકવાર નજીકના સારાં ડૉક્ટરને બતાવી દેશો તો ખબર પડશે કે ઓપરેશનની જરૂર છે કે નહી, પૂર્ણ રૂપથી તે ચામડી તૂટી ન હોય તો ફરીથી પ્રોબ્લેમ થવાની શક્યતા રહી શકે છે.

હમણાં થોડા દિવસ ઉત્તેજના થાય તેવા વિચાર અને વાતાવરણ થી દૂર રહેવું અને હસ્તમૈથુન ટાળવું. સફાઇ તથા યોગ્ય ડ્રેસિંગ કરાવવું.

બજારનાં નાસ્તા બંધ કરવા અને તાજો અને હળવો ખોરાક લેવો. વધારે તીંખુ, ખારૂં અને ખાટું ન લેવું.
અથાણાં અને આથેલી વસ્તુઓ ન લેવી.

આવા સમયમાં આપ નેગેટીવ વિચારોથી દૂર રહીને હંમેશા પોઝીટીવ જ વિચારવાનું રાખો.
રોજ સવારે ચાલવા જવાનું, યોગ, પ્રાણાયામ અને ધ્યાન કરવાનું રાખશો તો ઝડપથી ફાયદો થશે.

યોગાસનઃ
૧. પશ્ચિમોતાનાશન
૨, ચક્રાસન
૩. પવન મુક્તાસન
૪. પ્રાણાયામ