લિંગ (પેનિસ) ઉપર ઈન્ફેક્શન અને વારંવાર ની તકલીફ

નમસ્તે
વૈદ્ય નિકુલ પટેલ દ્વારા સંચાલિત લાઇફકેર આયુર્વેદમાં આપનું સ્વાગત છે.
આપના સમસ્યાનું વર્ણન પ્રમાણે આપને જાતીય સમાગમ પછી લિંગ ઉપર જે ઇન્ફેક્શન લાગ્યું છે તેના કારણે તમને ઘણી બધી તકલીફો રહે છે. આપેલી દવાઓ કરાવ્યા છતાં અને નિયમિત રીતે સફાઈ અને ટ્યુબ લગાવ્યા છતાં પણ પેનિસ પર પડેલા ઘા રુઝાતા નથી.

આમ જોઈએ તો આજે સમસ્યા છે તે તમારા બન્નેના જાતીય અંગોની સ્વચ્છતા અને તેને લાગેલા ઇન્ફેક્શનના કારણે હોઈ શકે છે. આપના લગ્ન થયેલા નથી પણ તમે જાતીય દ્રષ્ટિથી એકદમ સક્રિય છો તેથી વારેવારે તમે જાતીય સંબંધ બાંધો પણ છો.
આ દરમિયાનમાં તમે ગર્ભ નિરોધક તરીકે કોન્ડોમ વાપરો છો કે ગર્ભનિરોધક ગોળીનો ઉપયોગ કરો છો તે સ્પષ્ટ કરવા વિનંતી.

હાલ પૂરતો જ્યાં સુધી આપને આ બધી સમસ્યાઓ દૂર ન થાય ત્યાં સુધી સમાગમ કરવા માટે સલાહ આપવી બરાબર નથી. તેથી તમે હાલ પૂરતા સમાગમથી દૂર રહો તે અપેક્ષિત છે.

આપને ઇન્ફેક્શન લાગ્યું છે તેના માટે જો તમારા નજીકમાં કોઈ સારા આયુર્વેદિક ડોક્ટર હોય તો તેમને બતાવી ને તેમની પાસેથી સારવાર લો તે સૌથી વધારે સલાહભર્યું છે.

આ છતાં આપ જો ચાહો તો અમારે અહીંયા રૂબરૂ આવીને સારવાર લેવી યોગ્ય ગણાશે.

અહીંયા આવો કે અન્ય ડોક્ટર ને બતાવો ત્યાં સુધી કામચલાઉ ધોરણે નીચેની ઔષધો શરૂ કરી શકો.

1. મહામંજિષ્ઠાદિ કાઢા દસ મિલી દિવસમાં બે વાર
2. કિશોર ગૂગળ બે ગોળી દિવસમાં બે વાર
3. દ્વાદશાંગ ઘનવટી બે ગોળી બે વાર
4. પંચતિક્ત ઘૃત એક ચમચી સવારે અને સાંજે પીવા માટે અને આ જ દવા ઘાવ પર દિવસમાં બે વાર લગાવવી.

તીખું ખારૂં ખાટું અને તળેલું હાલ બંધ રાખવું
ગરમ મસાલા વાળુ બંધ રાખવું
બજારનાં નાસ્તા ન લેવા
બેકરીની વસ્તુઓ ન ખાવી
દહીં છાશ આમલી જેવી ખટાશ બંધ રાખવી.

પેનીસના ભાગને લીમડાના પાણીથી ધોઈને પછી ઉપર બતાવેલી દવા લગાવવી.

આવા સમયમાં આપ નેગેટીવ વિચારોથી દૂર રહીને હંમેશા પોઝીટીવ જ વિચારવાનું રાખો.
રોજ સવારે ચાલવા જવાનું, યોગ, પ્રાણાયામ અને ધ્યાન કરવાનું રાખશો તો ઝડપથી ફાયદો થશે.

યોગાસનઃ
૧. પશ્ચિમોતાનાશન
૨, ચક્રાસન
૩. પવન મુક્તાસન
૪. પ્રાણાયામ